Лакрал театрдануву аргъирай най дур испаннал драматург Гарсиа Лоркал “Бернарда Альбал къатта” спектакльданул репетиция. ‼️Премьера хьунтIиссар гьунттий 18:30 ссятраву. ⚡️Ва спектакль бивхьуссар 2010 шиналвагу. Цувгу хьуссар Аслан МахIаммадовлул творчествалувугу, театрданул репертуардануаугу ца яла тIайлабацIу бусса спектакль. ✨2011 шинал Владикавказрай хьусса “Сцена без границ” тIисса дунияллул халкьуннал миллатирттал театрдал фестивальданий билаятрал хьхьичIунсса критиктурал спектакль ккалли бувна яла ххуймур спектакльданун. Фестивальданий ккаккан бувсса ххюва номинациялува шанмунниву ххув хьуссия: “Лучший спектакль”, “Лучшая режиссура” ва “Лучшая женская роль” (Дагъусттаннал халкьуннал артистка Жинасат ДинмахIаммадова. ЦIана Бернардал роль дугьлай бур Дагъусттаннал халкьуннал артистка Саният Рамазанова ). ♦️Шинну ларгун махъ, Аслан МахIаммадов цIунилгу бихьлай ур ва спектакль цIусса актертуращал ва цIусса ябитаврийну. ❗️Бухьхьияра цуксса гъансса бурив жучIанма испаннал кьадарду ххал бан.
